| Descripción
| Edificio de finais do século XVIII, de carácter institucional que foi sede do Real Consulado de Mar e Terra dende 1786 ata 1829. Actualmente é sede da Real Academia de Belas Artes Nosa Señora do Rosario e da Biblioteca do Consulado creada no ano 1806 cos volumes doados polo coengo da Catedral de Santiago don Pedro Antonio Sánchez Vaamonde, aumentada considerablemente con moitas doazóns dalgúns veciños do pobo, entre outros don Nicolás Fernández Bolaño quen legou toda a súa biblioteca a este establecemento. Actualmente ocupa os baixos do edificio e a Academia de Belas Artes o primeiro andar. |
|---|
